Is se pehly ke bevafa ho jayen
Ahmad Faraz
_
is se pehly ke bevafa ho jaayen
kyon na ay dost ham juda ho jaayen
to bhi hiire se ban gaya patthar
ham bhi kal kya se kya ho jaayen
ham bhi majaburiyon ka uzr karen
aur kahin aur mubtalaa ho jaayen
ishq bhii khel hai nasiibon kaa
Khaak ho jaayen kimiya ho jaayen
ab ke gar to mile to ham tujh se
aise lipaten teri qaba ho jaayen
bandagi ham ne chhor di hai 'Faraz'
kyaa karen log jab Khudaa ho jaayen
No comments:
Post a Comment